ބޭންކް އޮފް މޯލްޑިވްސްގެ ޑެޕިއުޓީ ޗީފް އެގްޒެކެޓިވް އޮފިސަރު (ސީއީއޯ) އަދި ޗީފް އޮޕަރޭޓިން އޮފިސަރު (ސީއޯއޯ)ގެ މަގާމަށް ސަހާ ވަހީދު މިއަދު ހަމަޖައްސައިފި އެވެ.
ބޭންކިން ދާއިރާގައި 18 އަހަރަށްވުރެ ގިނަ ދުވަހުގެ ތަޖުރިބާ ލިބިވަޑައިގެންފައިވާ ސަހާ ވަނީ ބޭންކުގެ މުހިންމު މަޤާމުތަކެއް ފުރުއްވާފަ އެވެ. މީގެ ތެރޭގައި އެންމެ ފަހުން އަދާކުރެއްވި ޕީޕަލް އެންޑް ޗޭންޖް ޑައިރެކްޓަރުގެ މަޤާމުކަމަށް ބީއެމްއެލުން ބުނެ އެވެ.
އޭނާއަކީ މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) ގެ ބޯޑުގައި ވެސް އިންނަވާ މެންބަރެކެވެ. އެ މަގާމަށް ސަހާ އައްޔަނުކުރީ ޑިސެމްބަރު 24, 2023 ގަ އެވެ.
ބޭންކުގެ ދިގު މުއްދަތުގެ ސްޓްރެޓެޖިކް ލަނޑުދަނޑިތަކާ އެއްގޮތަށް ބޭންކުގެ ހިންގުމުގެ އޮނިގަނޑު ބައްޓަންކުރުމަށްޓަކައި، ބޭންކުން މިއަދު އައު އެގްޒެކެޓިވް މެނޭޖްމަންޓް ޓީމެއްވެސް އިޢުލާނުކޮށްފައިވެ އެވެ. ޗީފް ފައިނޭންޝަލް އޮފިސަރ ނަންދަނަ ސެނެވިރަތުނެ އަދި ޗީފް ރިސްކް އޮފިސަރ ގެރީ ލޯޓަންގެ އިތުރުން، އަންނަނިވި މަގާމުތަކަށް އިތުރު ބޭފުޅުން ވަނީ އައްޔަންކޮށްފަ އެވެ.
- އަދުލީ އަޙްމަދު ދީދީ، ޗީފް ޓެކްނޮލޮޖީ އޮފިސަރ (ސީޓީއޯ)
- މޫސާ ނިމާލް، ޗީފް ބިޒްނަސް އޮފިސަރ (ސީބީއޯ)
- ރަޝްފާ ޖައުފަރު، ޗީފް ކްރެޑިޓް އޮފިސަރ (ސީސީއޯ)
- އައިޝަތު ޒަމްރާ ޒާހިރު، ޗީފް މާކެޓިންގ އޮފިސަރ (ސީއެމްއޯ)
ބީއެމްއެލްގެ ޑެޕިއުޓީ ސީއީއޯގެ މަޤާމު ހުސްވެފައިވަނީ އެ މާގަމުގައި ހުންނެވި އާއިޝަތު ނޫރައްދީން 42 އަހަރުގެ ދިގު މުއްދަތަކަށް ބޭންކަށް ޚިދުމަތްކުރެއްވުމަށްފަހު، އިސްތިޢުފާ ދެއްވުމާ ގުޅިގެންނެވެ.
މަރުހަބާ. ސަހާ އަށް ކާމިޔާބީ އަށް އެދެން.