މާލޭގެ ބައެއް ސަރަހައްދުތަކުން މާދަމާ ހެނދުނު ކަރަންޓް ކެނޑޭނެކަމަށް ސްޓެލްކޯއިން ބުނެފި އެވެ.
ސްޓެލްކޯއިން ބުނީ އެ ކުންފުނިން ރައްޔިތުންނަށް ދެމުން ގެންދާ ހިދުމަތް އިތުރަށް ފުރިހަމަ ކުރުމުގެ ގޮތުން ގުރޭޓާމާލެ އިންޓަކަނެކްޝަން ގްރިޑްގައި ކޮންމެހެންވެސް ކުރަންޖެހޭ މަސައްކަތެއް މާދަމާ ހެނދުނު 6:30 އިން 7:30 އާއި ދެމެދު ކުރުމަށް ހަމަޖެހިފައިވާ ކަމަށެވެ. މިމަސައްކަތް ކުރަމުން އަންނަ ވަގުތުތަކުގައި މާލޭގެ ބައެއް ސަރަހައްދުތަކުން ކަރަންޓް ކެނޑޭނެ ކަމަށް އެކުންފުނިން ހާމަކުރެ އެވެ.
އެގޮތުން އެ މަސައްކަތް ކުރިޔަށް ދާއިރު މާލޭގެ 5 ސަރަހައްދަކުން 10 މިނެޓަށް ކަރަންޓް ކެނޑޭނެ އެވެ.
ކަރަންޓް ކެނޑޭ ސަރަހައްދުތައް:
- ހެންވޭރު ދަނޑު ހިމެނޭ ސަރަހައްދު
- ނަސަންދުރަ ހިމެނޭ ސަރަހައްދާއި، ކާނިވާ ސަރަހައްދު
- ގާކޮށި ފުލެޓާއި، އަރަބިއްޔާ ފުލެޓު ހިމެނޭ ސަރަހައްދު
- ގަޑިބުރު ސަރަހައްދާއި، މަޖީދީމަގު ފިނިޕާކު ހިމެނޭ ސަރަހައްދު
- މާފަންނު މަދަރުސާއާއި ދުނބުރި މިސްކިތް ހުންނަ ސަރަހައްދު
ސްޓެލްކޯއިން ބުނީ، ކަރަންޓް ކެނޑުމާއި ގުޅިގެން ދިމާވާނެ ދަތިތަކަށް މާފަށް އެދޭ ކަމަށެވެ.
